طريقه عمل صينيه الباميه باللحمه بالصور
طريقه عمل صينيه الباميه باللحمه بالصور
الباميه باللحمه
سلقت اللحمه عادى وخليت الشوربه بتاعتها عشان اعمل بيها الباميه
اول حاجه هنعملها
هنفرم البصل وميبقاش ناعم اوى يعنى تكون بصلايه متوسطه كده ونحطه فى الحله وعليه حبة زيت وقد معلقه كبيره كده سمنه
واللحمه المسلوقه دى هناخد منها كام قطعه ونحمرها مع البصل فى
الزيت والسمنه
وبعدها اول مايغمق لون البصل ويتحمر نكون عاملين عصير طماطم فى الخلاط حوالى اربع طمطمات
متوسطين كده يكونو مضروبين بشوية مايه فى الخلاط ونضيفهم على البصل بعد تحميره
ونحط معلقه صغيره صلصه واول ماتغلى نهدى النار عليها
اول بقى ماتتسبك كويس نحط الباميه وعليه حبة شوربه على حسب ماانتى عايزه
ونكون داقين 3 فصوص توم مع قطعة فلفل اخضر صغيره وقبل مانحط ملح ندوق الشوربه الاول عشان طبيعى هيكون فيها ملح عشان منحطش زياده
وندق التوم مع الفلفل وقليل من الملح ونحطهم على الباميه ونسيبها تغلى لحد ماتستوى
وبكده تبقى جاهزه على التقديم
إرسال تعليق